ГОЛЕМО ГРАДИШТЕ, КАЈ КРАТОВО

Вечер дава добар напис за најновите археолошки ископувања на локалитетот Градиште кај Кратово.

Изворен линк тука.

"..Со истражувањето на локалитетот Големо Градиште, кој се наоѓа на два километри северно од селото Коњух, близу Кратово, имаме можност да ја пишуваме историјата на Македонија. Со резултатите од археолошките истражувања ќе ја напишеме историјата на овој антички град..", вели д-р Каролин Снајвели, професор на колеџот Гетисбург во Пенсилванија, САД. Таа, заедно со Мила Шурбаноска од Музејот на Македонија се раководители на истражувањата на Големо Градиште, кои започнаа на 12 јуни, а ќе траат до крајот на јули или август.

Во археологијата Големо Градиште е ексклузивно по остатоците од необична црква од 6 век во форма на ротонда. "Црквите како ротонда се ретки и само неколку примери се најдени на Балканот: во Бугарија, Солун и најверојатно во Охрид"

Покрај археолошките наоди од неолитот, бронзеното, железното време, хелинизмот и римскиот период, доминираат остатоци од византискиот особено рановизантискиот период, 5-6 век, како и остатоци од турскиот период.

Локалитетот во Коњух, во литературата е познат уште од 1952 година кога Светозар Радојчиќ објави краток опис и детална студија за црквата ротонда, што тој ја посетил во 1938 година. Црквата и нејзината архитектура продолжува да биде предмет на истражување и до ден-денешен. Во текот на 1970 година, Иван Микулчиќ го истражува локалитетот и објавил бројни написи за планот на античката црква, а Виктор Лилчиќ истражува 20 години подоцна. Од 1998 година мал македонско-американски проект континуирано се одвива на Коњух. По пилот-проектот за истражување во 1998 година систематски истражувања почна во 2000 година и се уште траат.